Latest Entries »

සුනාමිය නිමාවිය


නැගී සෝසුසුම්
දුක් කදුළු
අහිමි වූ ජීවිත
මව, පියා
සොහොයුරා, සොහොයුරිය
එකම වලක මිහිදන් කළ ඒ අතීතය
වලලා දමා
යළි ගොඩ නගමු දේශය
දෙවෙනි නැති
ලොව, අන්, කිසි රටකට

මේ පදවැල් ලියවුනේ මීට වසර හය කට පෙර සිදුවූ ඒ මහා ඛේදවාචකය සිහිපත් කිරීම සදහා 2005 වර්ෂයේ අම්බලන්ගොඩ ගා/ධර්මාශෝක විද්‍යාලය මගින් වේදිකා ගත කළ, සමස්ථ ලංකා නාට්‍ය තරගාවලියේ තෙවන ස්ථානය හිමිකර ගත් "සුනාමිය නිමාවිය" නම් වේදිකා නාට්‍ය සදහාය. මෙහි පද රචනය හා නාට්‍ය නිර්මාණය නීතීඥ ගෝතම ද සිල්වා කාරියවසම් මහතා විසිනි.

ඒ මහා ඛේදවාචකය හේතුවෙන් මේ පෘථිවි තලය තුල මිහිදන් වූ අපගේ සහෘදයන් හා ඥාතීන් අද දින සිහිපත් කරමු.
සියළු වාද භේද ඉවතලා නැවතත් එක්ව නැගී සිටිමු.
එය සමස්ථ මිනිස් වර්ගයාගේ හිත සුව පිණිසම වනු ඇත.

ඔබට සුභ නත්තලක්


ඔබට සහ ඔබගේ ආදරණීයන්ට, සාමය සතුට සහ සෞභාග්‍ය පිරි සුභ නත්තලක් පතමි.

ලිනක්ස් වල Youtube බලන්න බැහැනේ?


හරි දැන් කලබල වෙන්න එපා. ඇත්තටම සියළු දෙනා දන්නා දන්නා පරිදි Youtube වෙබ් අඩවිය මගින් ලබාදෙන වීඩියෝ දර්ශන නැරඹීම සදහා Firefox තුල flash plugin එක ස්ථාපනය කර තිබිය යුතුය. බොහෝ වින්ඩෝස් භාවිත කරන උදවිය නම් flash player plugin එක පරිගණකයේ ස්තාපනය කර ගැනීම මහ ලොකු අමාරු කාරණයක් නොවේ.
නමුත් Linux මෙහෙයුම් පද්ධතියේ file system එකේ folders නොදන්නා ඔබට යම් විටක මෙය අපහසු කාරණයක් විය හැක. ඇත්තටම මෙය සිදු කිරීම පහසු කාරණයකි.

ප්‍රථමයෙන්ම කිව යුතු වන්නේ ඔබ flash plugin එක 64-bit හෝ 32-bit linux මෙහෙයුම් පද්ධතියට අදාල ලෙස භාගත කර ගන්න යන්නයි. මෙය හදුනා ගැනීමට භාගත කරනා file extension එකේ අගින් x64 හෝ වැනි පාථයක් තිබිය යුතුය. මෙම 64-bit plugin එක මම මෙම ලිපිය ලියන අවස්ථවේදී Adobe වෙබ් අඩවියෙන් තාවකාලිකව ඉවත් කර ඇත. නමුත් මගේ ලග තිබෙන 64-bit plugin එක ඉහත link එක තුලින් ඔබ භාගත කර ගන්න.

ඇත්තටම ඔබ 32-bit linux මෙහෙයුම් පද්ධතියක් යොදා ගනී නම් දී ඇති link එක හරහා ගොස් select version to download යනුවෙන් තිබෙන drop down මෙනුවට යන්න.

ඔබ Ubuntu මෙහෙයුම් පද්ධතිය භාවිතා කරනව නම් එම මෙනුවෙන් අදාල Ubuntu මෙහෙයුම් පද්ධතිය තෝරා එම පැකේජය භාගත කර ගන්න. ඔබ fedora භාවිතා කරයි නම් rpm පැකේජය භාගත කර ගන්න. පසුව එම එම භාගත කරගත් පැකේජය මත double click කර විට flash player එක ඔබේ පරිගණකයේ ස්ථාපනය වේවි.

මෙහිදී මෙම මෘදුකාංගය ස්ථාපනය වීමට පෙර Linux මෙහෙයුම් පද්ධතිය විසින් ඉල්ලන ඔබේ root password එක ලබා දීම සිදු කළයුතුවේ.

ඉන් පසු නැවත පරිගණකය restart කර firefox වලින් මම දමා ඇති youtube flash video එක වැඩද කියල බලන්න.

දැන් 64-bit ප්‍රෂ්ණය වෙත යොමු වෙමු. ඇත්තටම මෙහිදී Adobe අයතනය මගින් 64-bit plugin එක සදහා වන මම විසින් පෙර සදහන් කළ පැකේජ භාගත කිරීමට ඉඩ ලබා දීම තාවකාලිකව නතර කර ඇත.

නමුත් මම දුන් 64-bit plugin එක භාගත කරගෙන පහත පියවර ඔබේ terminal(Applications->Sytem Tools->Terminal) එක තුල type කරන්න.


මෙහිදී මා විසින් මුලදී su යනුවෙන් type කරන්නේ Linux මෙහෙයුම් පද්ධතියේ root(වින්ඩෝස් වල administrator මෙන්) බවට පත්වීමටයි. (ඔබ Ubuntu භාවිත කරයි නම් su වෙනුවට super යොදන්න.)
password යන තැන ඔබේ root password එක type කර enter කරන්න.

දැන් පරිගණකය restart කර player එක වැඩ කරනවද කියල බලන්න.

64-bit ද? 32-bit ද?

ඇත්තටම මේ අංක දෙක පරිගණක වල processor architecture (සැකැස්ම) එකට සම්බන්ධ වූවකි. දැන් වෙලද පොලට එන , අළුත්, නමුත් සියට අනූ නවයක්ම processor වර්ග මෙම 64-bit සැකැස්ම අනුව සකස් කළ ප්‍රොසෙසර වේ (උදා:-intel CoretoDuo, intel ix, AMD AthlonX2). 64-bitට අමතරව පෙර තිබු processor architecture වර්ග කිහිපයක් නම් 32-bit(x86),16-bit , 8-bitවේ.



තවමත් පරිගණක වැඩ සටහන් පාවිච්චි කිරීමේදී බොහෝ දෙනා නොදන්නා කාරණයක් වන්නේ එම වැඩ සටහන එම ප්‍රෙසෙසරයේ architecture එකට අනුව සකස් කර තිබිය යුතුය යන්නයි. නැතිනම් එම වැඩ සටහන එම පරිගනකයේ ක්‍රියාත්මක නොවේ. එහෙත් ඔබට 64-bit සැකැස්මට අනුව සකස් කළ processor එකක් සහිත පරිගණකයට ඊට පහල සැකැස්මකට අනුව සකස් කළ මෘදුකාංග වර්ග ස්ථාපනය කර ගත හැක.


මෙම 64-bit සැකැස්ම ඇති processor වර්ග වල ඇති ප්‍රධානම අංගය වන්නෙ පරිගණකය තුලින් යම් කසි කාර්යයක් සිදු කර ගෑනීමට ගතවන කාලය අවම වීමයි. මේ නිසා 64-bit සැකැස්ම අනුව නිර්මානය කළ මෘදුකාංග වර්ග දැන් මෙහෙයුම් පද්ධතිවර්ග වල සිට සරල පිටු සැකසුම් මෘදුකාංග දක්වා ඇත. නමුත් ඔබට 32-bit architecture එකට අනුව සකස් කළ processor වර්ග ඇති පරිගණකයකට 64-bit architecture එකට සකස් කළ මාදුකාංග වර්ග ස්ථාපනය කිරීම කළ නොහැක.

64-bit මාදුකාංග ආරකෂාව අතින්ද ඉහලය. 32-bit මෙහෙයුම් පද්ධතියකට වඩා 64-bit මෙහෙයුම් පද්ධතියකට වෛරස මගින් එල්ලවන තර්ජන බොහෝ අඩුය. කිමද බොහෝ වෛරස් වර්ග නිපදවා තිබෙන්නේ 32-bit මෙහෙයුම් පද්ධතිවල සිට බැවිනි.


ඔබත් ඔබේ processor එක 64-bit සැකැස්ම අනුව සැකසූවක් නම් එයට අනුව සකස් කළ මෙහෙයුම් පද්ධතියක් ස්ථාපනය කර ගන්න.


ඊට අමතරව සදහන් කළ යුතු වන්නේ ඔබේ පරිගණකයට 4GB තරම් වත් ram මතකයක් තිබේ නම් එය 64-bit වලින් වැඩකරන මෘදුකාංග සදහා යෝග්‍ය බවයි. නමුත් මෙය අවශ්‍යමත් නැත.